وطبعا عندكم ملاهي ديزني معليه كلام هو احلى شي
تروحون له بالمترو اسم المحطة (مارني لو فالي تشيسي- ديزني لاند) هي اخر محطه
ولاتنسون تاخذون الخريطة عشان ماتضيعون الألعاب
في سوق حلو قبل ديزني بمحطة اسمه ( فال دي يوروب ) هذا مجمع كبير فيه كل الماركات وبرا في زي القريه تجننن فيها الماركات الكبيره بنص السعر
طبعا كله زحمة خليجيين بس المكان حلو وراقي وفي مطاعم كثيرة بنفس المنطقة شوفو الصورة ديزني وفال يوروب بينهم محطه وحده نفس القطار
وفي بعد كنيسة ممبرناس هذي المنطقة ماعجبتني واجد احس كلها حرامية..
والمنطقة بعيده وتضيع وهي زي السوق الشعبي مافيها زود ماتستاهل تروحون لها وهذي صورة المكان
وفي بعد برج ايفيل .. اسم المنطقة بالمترو ( بير هكيم)
هناك معروف المكان لاتنسون تاكلون الكريب وفي شي حلو فول سوداني عليه سكر محروق
يبيعونه بأكياس في الكشكات الي تحت البرج يجنننننن
واذا بتركبون الباخره تلف فيك نص ساعه على كل الاماكن الحلوة في باريس
واذا تبون تصورون جنب البرج صوره كامله اطلعو فوق شوي منطقة تراكاديرو بعد البحيره
واذا كنتي تبين تنزلين لها بالمترو على طول اسمها (تراكاديرو) فيها قهاوي ورا في نفس المكان
وبعد المنطقة لها شكل ثاني بالليل :
وخاصة إذا ولعوا اللمبات البيضاء يصير زي البسكوت الي عليه سكر
يتبع..
موضوع: معلومات عن ( بـــاريس ) 
